लवथवती विक्राळा ब्रह्मांडी माळा ।

विषें कंठ काळा त्रिनेत्री ज्वाला ।

लावण्यसुंदर मस्तकी बाळा ।

तेथुनिया जळ निर्मल वाहे झुळझुळां ।।

जय देव जय देव जय श्रीशंकरा

आरती ओवाळू तुज कर्पुरगौरा ।।१।।

कर्पुरगौरा भोळा नयनी विशाळा ।

अर्धांगी पार्वती सुमनांच्या माळा ।

विभूतीचे उधळण शीत कंठ निळां

ऐसा शंकर शोभे उमावेल्हाळा ।।

जय देव जय देव जय श्रीशंकरा ।।२।।

देवीं दैत्यीं सागरमंथन पैं केलें ।

त्यामाजी अवचित हलाहल जें उठिलें ।

ते त्वां असुरपणे प्रशान केलें ।

नीलकंठ नाम प्रसिद्ध झालें ||

जय देव जय देव जय श्रीशंकरा ।।३।।

व्याघ्रांबर फणिवरधर सुंदर मदनारी ।

पंचानन मनमोहन मुनिजन सुखकारी ।

शतकोटीचे बीज वाचे उच्चारी ।

रघुकुळटिळक रामदास अंतरीं ।।

जय देव जय देव जय श्रीशंकरा ।।४।।